唐山人過台灣開墾夠今嗎干焦四百冬。茲佇網路頂照講通人知。不過阮一个親情、六十外。不八讀台灣史。嗎袂唁（giàn）讀。頂禮拜問伊『若準我共汝講高雄自七百冬前着有漢人塊開墾。汝會信袂。』伊講會。會信。
顛倒是事實卡乎伊想袂夠。想袂夠唐山人開台史哪會干焦短短四百冬。伊自細漢接受「全方位」个華國洗腦教育。想着台灣史事先想着孫權派人佔「夷州」个神話。是講—台灣三十歲以上个一千外萬人、佮伊相仝兮拍算不是少數。
舊年有一个朋友報講—鳳山有一間廟介古早。已経七百年閣有伸。聽着怪怪。咁講原住民卡早有塊起廟拜唐山个神明。因爸仔拍死因某、無可能个事志。
有一日相載去拜訪。正経高雄關帝廟个資料寫講『高雄關帝廟確實的肇建年代由於年湮歲遠且缺乏原始資料可考、一直無法得知。』但是『在本廟翻修之際、偶然獲得一出重修磚契⋯。且云元世祖三十年癸巳四月重修⋯。此外、本廟還有元朝時代的古石碑⋯。由這些證據來看、高雄關帝廟自先民草創迄今至少已有七百多年的悠久歷史。』
英語俗語講、『WITH FRIENDS LIKE THESE, WHO NEEDS ENEMIES?』「甲有只款朋友、曷使（何須）敵人。」鳳山七百冬前着有漢廟？我囝。只个廟會比中華政權个假學者「更上一層樓」。無敵。爭差是上少伊是私人兮。
