東港甲打狗港外口只片海、台語卜（欲）盞樣稱呼。
「支那海」「南支那海」隻个名是歐洲人號个。學老人在來寫「南海」、移民過呂宋治「海之東」猶原照舊寫「南海」。越南人現在講「東（BIỂN ĐÔNG）」、着是「東海」。卡早閣有二个名八流傳、「呂宋海」（塔語 DAGAT LUZÓN）甲「占城海」（巫語 LAUT CHAMPA）。
占城①是一个海洋古早國、十五世紀到甲十九世紀由大越、越南、大南諸國一蛙一蛙②吞落腹植民、着是現代个越南中圻甲南圻之東。
照傳承个原則來講、台語應該講「南海」。不閣「南海、東海」只款名有卡「主觀」。古早占城是上倚「海心」个陸地、吖占人〔占城諸族之一〕嗎是海洋民族。我主張却③「占城海」來用。
①台語音照講是「Chiàm-siâⁿ」。
② koe̍h、漢文「節」。
③ khioh、漢文「拾」。
地圖。「占城海」四邊个人口密度。
