喳昏佇打狗有人問我、『紐約人咁有認同紐約。』呼、紐約人咁有認同紐約！無・咱來聽看一條一九七七年个流行舞曲︿NATIVE NEW YORKER﹀〔紐約囡仔〕。
『紐約查某囡仔、汝自細漢坐地鉄・走闖人海、上 HARLEM、落 BROADWAY。汝不是賤婦、ま無偌富貴、汝開喙全攏街頭話。汝是紐約个心肝・紐約个靈魂。「愛」是飄言流語、汝坐計程車八想着、了後伊〔男〕八十三東街放汝落車、「愛」字落〔lak〕佇路邊。汝是紐約查某囡仔、照講汝早と知勢。音樂響起、男男女女舞步相倚、干た汝條佇暗淡个所在れ走尋一个人、通共汝解放・救汝脫離紐約市⋯』
在真多人个印象、「認同」「在地心」「本土情」是田庄・庄跤・鄉下个事ち、都市是無情・無特色・冷冰冰个「石屎林」。不こ HARLEM、 BROADWAY、 地鉄、計程車、八十三東街、茲攏是文化。洋機、METS、 KNICKS、 JETS、 紐約腔、中央公園、︿紐約囡仔﹀、茲攏是認同。
都市ま是有情・有愛・有目屎。