美國有一欵現象。移民第二代个囝仔往往袂曉講母語、「第〇代」个阿公阿媽閣袂曉英語、二爿帶仝厝、言語袂通。
只欵「移民現象」治華治个台灣煞發生治蕃薯个厝內。所以講蕃薯甲原民是「被移民」。
人移民美國卡講嗎是主動移个、後果着加忌當。吖原民甲蕃薯是店治原鄉去乎外來政權押去「移民中國」、致到阿公阿媽愛學北京語即通含孫講話。正是美國西南方墨西哥人許句話。『阮不八 hāⁿ 過國界、是國界 hāⁿ 過阮。』(NOSOTROS NO CRUZAMOS LA FRONTERA, LA FRONTERA NOS CRUZÓ A NOSOTROS.)