舊年阿拉斯加咿位電視新聞員報緊一單阿拉斯加大麻社嘅新聞、忽然爆埋話阿麻社老世係佢自己、然之後話要全職從事大麻合法化運動、當場辭咗職行開鏡頭。
喺咿嚿影片入面佢畀人睇吓佢辭職嘅場景、之後解釋點解辭咗職：
近排阿拉斯加大麻社又因為非法賣大麻畀警察整咗一鑊〔有影片可以睇〕。大麻二月喺阿拉斯加經已合法化咗、不過賣大麻仲未、大概係因此佢哋畀差人整。
根據媒體報導、咿位靚女個名係 CHARLO GREENE、原名 CHARLENE EGBE、係尼日利亜出世嘅阿拉斯加本地歸化美國人。睇嚟佢係好想出名、先會現場辭職、亦都幾識計、睇啲影片就知。換名大概係因為喺新聞界〔同埋荷里活〕都係盎格魯人最有機會、換個盎格魯姓・中性名可以加強返第一印象。
真係離奇、真係藝術、真係天下乜都有吖。