台北北門街、二十世紀去乎植民政權改名做「博愛路」。文武街・府前街乎植民者改做「重慶南路」。
若是華治時代正開个新路欲繼續使用黨國所號个路名、茲咱會使無意見、不こ若華治時代進前と已經れ用个舊路、咱哪益未廢除黨國路名、復原舊名。
茲是歷史正義問題、是人權問題、是政治問題、是文化傳承个問題。
台北个食頭路人不三時開五六萬去法國意國翕相泡珈琲、轉來共逐个講咱台北真正欠文化。あ台北个官員佮生り人ま真愛研究看欲如何乎台北・台灣變卡「有文化」・有故事、通好吸收卡多四海个旅客、乎逐个大趁錢・帶〔住〕帝寶。
是講咱規工安ね重慶來・南京去、用黨國含資本界个符號硬共艋舺・錫口・台北城个故事暗崁條條、勿講旅客袂曉來、参咱かきま尋無一个理由。
