人講台語屬治「漢語系」。人按呢講、是因爲學者按呢講。但是學者那會按呢講。
「漢語系」是一个新新个概念。「語系」本底嗎是一个新个概念。語系只个概念是十九世紀對「印歐語系」个研究窋（puh）出來个。會使講「語系」甲「漢語系」只二（兩）个概念是建立治「印歐語系」个想像頂高。但是「印歐語系」个想像是建立治一條「循環理路」（CIRCULAR REASONING）面頂。對二〇・廿一世紀个標準來看、「印歐語系論」是神話、不是科學。亦着是講語系、印歐語系、漢語系隻个概念朗有問題。『台語屬治漢語系』是神話、不是科學。
勿問我「吖台語到底屬治省乜語系。」「語系」只个概念都規組害了了吖啦。〔太平洋語言凡世是例外。〕語系論有提供一寡好个家私、但是中心个哲學是歹个。
SUBHASH KAK 先生一九九六年个著作︿INDIC LANGUAGE FAMILIES AND INDO-EUROPEAN﹀（ＰＤＦ）、一篇文短短仔、解說了足水氣、介紹諸位讀。日文、北京文咁有相關个資料、我不知。知个人、勞煩汝報我知。台語、學老語咁屬治「漢語系」。無影、無靴簡單。