關于越南難民卅幾年前喺暹羅湾度遇到개惨事、之前喺羅省聽過一個越南阿叔話潮州人咩都做得出、話之前暹羅湾啲海盜就係。問佢點知啲海盜係潮州人呢。佢話泰國全國冚唪呤屬于潮州人咖。過咗咁多年、尋日揾資料先知到原來啲難民喺暹羅湾係遇到噉개人間地獄、生不如死。
舊年我啱啱去咗暹南東岸洛坤（นคร）嗰度幾日。嗰度之前係天高皇帝遠・無法無天之地境、依家仲好有主體性、我幾中意。尋晚先知到、卅幾年前嗰陣時暹地啲差舘都冇癮拉人、法官亦冇癮判人、噉咁多人渣就終生冇嘢住、繼續偷生、舊年都或者同我擦身而過。國家暴力我哋識解釋、係權力熏心令到人心敗壞、但係暹羅湾嗰啲嘢真係解釋唔到。乜原來人係咁賤格개。邊個話人性本善。錯晒。
