〔這是英國 ALAN CARTER 先生《PROGRAMMER’S STONE》課程第七日（原文連仔）个一段、由拙者譯做台文。〕
「古井心」（由 PACKING 暫譯）是一種由社會訓練出來个習慣。是將世間个智識當做是一包一包个〔袂輸古井、一个一个無相通〕、卜用个時即尋適當个「智識包」來指定「正確个行動」。吖若尋無適當个智識包、着共事実拗拗咧、來就手頭个智識包。尾後若是出問題、着哀父叫母喝歹運。
「暗水心」（由 MAPPING 暫譯）是提觀察着个現象來治心內設一个模型、了後沓沓仔斟酌彼模型內底个基底結構（DEEP STRUCTURE） 。暗水心嗎會凍訓練。咱若潦落去探討闊莽莽个「概念空間」、漸漸咱會看見四界基底結講个系統性、閣來着會認出面頭前个現象个経絡（keng lo̍k）。只款心態着是「暗水心」。〔有貫通、袂輸地下水。〕
「古井家」對萬事个反應卡固定。「暗水家」（暗水雞 🙂 ）反應卡活骨、嗎卡有法度提出新个辦法。暗水家學習卡緊、緊多多。拄着新个事物、暗水家若是夭未認出基底个結構進前、目珠前規片攏是奧妙。
相仝个遭遇、暗水家含古井家主觀个体驗往往差介多。暗水心是人類天然个心態、逐家本成自底攏是暗水家。