〔茲是英國 ALAN CARTER 先生《PROGRAMMER’S STONE》課程第三日（原文）个一段。由拙者譯做ほろ文。〕
古井家（定義）塊議論是照輪塊相摃佮相炸。那弈那算分數。吖逐人用言語佮體態展出無要無意个模樣。
暗水家（定義）塊議論着無仝。卡激動、卡大聲喉。不是氣甲欲相刣。是對議題真要意、真關心。拚甲腹肚枵着停戰做陣來食中晝頓。食飽倒來正繼續大聲細聲拚落去。
暗水家个辞彙、本成隨人攏無省仝。欲合作正事先設定共同个辞彙。那設定那認証心內共同个概念佮模型。共同探討佮創造正是焦點。不是「汝炸我个、我炸汝个」。論事無論人。
所以人塊講兮咱若聽攏無、若是聽着敢若悾悾抑是真矛盾、咱着先想看覓。不知伊是對省乜角度塊看議題叨一部份。咱會使共伊結（kiat）寡關鍵辞來探看逐家个辞彙有省乜爭差。重點是咱事先愛假設講伊頭殼內有好空兮。紲落來正來探看彼到底是省乜好空。