我是爻買物、不過袂曉賣物、無緣通做生理。我猶原真興人塊做生理个環境佮氣氛、自安爾無論行甲天邊抑是海角、一定愛去踅因个市場一輾、探看市艸。
咱若有塊論平權个人攏罕得論生理。拍算茲是為着只陣生理人卡多攏去乎霸權牽塊行。講着商業、咱隨想着資本主義个欠點佮烏暗。但是假使講有一个平權个世代抑是流擺、人敢袂興做生理。人敢袂閣將逐所在个產物佮技術載東載西來佮人對換。
若參考歷史、歐洲漢莎（ハンザ）同盟許款个相對平權開放个城邦局勢、往往以商務為基本。近代个沖繩佮頂世紀个香港嗎是。
着啦、茲影片（連結）是越南語教材、是不止仔盞个越南語教材。影片內中是西貢幸聰西市場、佇飛機場个後壁。西貢人現此時上普通个生活着是安爾款。